Cuchulainn: part two – Yn Ennym



The second episode of five about the life of Cuchulainn, with thanks to BBC Northern Ireland for permission to redub them into Manx. Script below (click on ‘Show more’). For the series in English and in Irish, visit bbc.co.uk/irish

CUCHULAINN Episoyd 2 — Yn Ennym

Guilley: Tar, whoy; tar, whoy!

Shaner: Oooh, she moddey beg braew shen. Dy jarroo ny voddey beg braew. Vel ennym ayds ersyn foast?

‘Neen: Va shin smooinaghtyn mychione ennym ass ny skeealyn ayd.

Guilley: By chiart eh gra rish . . . Setanta?

Shaner: Cre’n fa nagh? Ooh, va graih ec Setanta neesht er moddee. As fy yerrey ren eh caghlaa yn ennym echey hene – er-coontey jeh moddey. As . . . va quallian er-lheh echey neesht, gollriuish.

Guilley: Tar, whoy.

Shaner: Ny keayrtyn va Setanta cho jeean er cloie lesh e whallian as dy yarrood eh red erbee elley.

Laa dy row, va cuirrey er ooilley ny fir chaghee as ooilley ny guillyn gys giense mooar ayns doon yn dooinney va enmyssit Culann. Dooinney scanshoil va Culann, er yn oyr dy row eshyn ny ghaaue doo, as v’eh cur ny croughyn er ny cabbil va tayrn fainee ny fir chaggee.

Connor: Hooin roin. Lhig dooin goll cho bieau as oddys mayd gys doon Chulainn. T’eh cur onnor mooar orrin, lesh cuirrey gys yn yiense.

Shaner: Agh ga dy row cuirrey orroo ooilley, cha row ad ooilley er ngoll. Wheesh taitnys v’ec Setanta, cloie lesh e whallian, va’n giense jarroodit echey dy bollagh. As tra raink ny keayrtee thie Chulainn, s’baghtal eh nagh row fys ec Connor dy row Setanta assaaragh.

Culan: Ta failt mooar orts as er dty gheiney dys my ghoon.

Connor: S’mooar yn onnor orrin.

Culan: Agh insh dou, vel oo jerkal rish peiagh ennagh cheet ny s’anmey?

Connor: Cha nel, ghaaue veen, ta shin ooilley ayns shoh nish.

Shaner: Agh kiart ec y traa shen, va cooinaghtyn ec Setanta er y chuirrey gys giense yn ghaaue, as haink eh da dy row ad ooilley er ngoll n’egooish.

Setanta: Atreih! Te orrym ve ayns thie Chulainn! Tannee ayns shoh, immee as fow dty charrey. Fodmayd cloie reesht tra higym er-ash.

‘Neen: Agh, Haner . . . row fys ec Setanta er y raad?

Shaner: Er-lhiam nagh row, agh v’eshyn mastey ny fir share geiyrt er luirg. Myr yn quallian ayns shen. Cha row doilleeid echey geiyrt er y lorg oc, as goaill taitnys elley er y raad, agh . . . cha noddagh fys ve echey er ny gaueyn roish.

Culan: Dy gowee uss ny fenee taitnys jeh’n ghiense shoh. As shickyr te dy feer, bee shiu lane sauchey ayns shoh . . . son hug mee sarey dy jean my choo freayll arrey roish yn doon. Cha jarg fer erbee sy theihll cheet shaghey echey.

Connor: Cheayll mee jeh’n choo shoh, dy vel eh ny choo s’elgyssee ayns Nerin.

Shaner: Va’n ree kiart. V’eh ny choo s’elgyssee boayl erbee. Va’n ree as ooilley ny fir chaggee goaill soylley mooar, tra doaltattymagh cheayll ad gullarnee as gounsternee agglagh. As ren Culan mongey, as fys echey dy re’n choo v’ayn, agh eisht va cooinaghtyn ec y ree.

Connor: Setanta!

Shaner: Cha nee agh yn dooghys fer chaggee echey as e schlei lesh cammag as crig ren livrey eh. Haink eh lesh bwoailley yn crig stiagh ayns scoarnagh yn choo, ren plooghey eh.

Connor: Setanta! T’ou uss bio! Bwooise da ny jeeghyn! Va mee shickyr dy row uss marrooit ec yn choo.

Setanta: Ta’n coo marrooit aym’s, dty ooaslid. S’treih ta my chree.

Connor: Agh ve orts jannoo eh. Cha jig foill orts son shen.

Culan: Oh, ta’n ree kiart. Cha row niart ayd er. Va my choo ny voddey share ayns Nerin. Va graih mooar aym er. Agh cre foddym jannoo nish gyn coo dy choadey mish as my ghoon?

Setanta: Ny gow imnea, Chulann. Ta fys as graih mooar aym er moddee neesht, as ta mee gialdyn dy jeanym troggal as traenal moddey er dty hon cho mie as yn coo ta caillt ayd. Ta mee gialdyn neesht, derrey vees yn coo shen aarloo, dy jeanym uss as dty ghoon y ghardey.

Connor: Shen myr bee eh. As lhig da fys ve ec dagh ooilley fer t’ayns Nerin, veih’n laa shoh magh, dy bee uss hene enmyssit Coo Chulainn. Yn laa shoh, trooid dty ghunnalys AS yn ooashley ayd, t’ou uss dty fer chaggee, as shegin dhyt faagail Emhain Macha dy eiyrt er dty chronney.

Guilley: Voddey mie, voddey mie. Myr shoh, by chiart eh cur Setanta er y voddey ain?

Shaner: She-e-e. Ta mee sheiltyn dy vel.

‘Neen: As nagh vel skeealyn elley mychione Cuchulainn, eisht?

Shaner: Oh, ho, ho, ho, ta, palchey jeu. Cha nel eh agh gaase foast. Ta ooilley e chontoyrtyssyn mooarey foast ry heet. Oh, as, er . . . t’eh tuittym ayns graih.

‘Neen: Tuittym ayns graih?

Guilley: Augh!

Shaner: Aaahaaaa! Trooid shiu nish. Stiagh lhiat, whallian. Ta jinnair bunnys aarloo. Trooid shiu nish.

source

Leave a Reply

Your email address will not be published. Required fields are marked *